بیرلشگن ملتلر تشکیلاتی سوزچیسی اسرائیل- فلسطین مسئله سی بوییچه بیانات بیردی

بیرلشگن ملتلر تشکیلاتی سوزچیسی استفان دوجاریک, اسرائیل- فلسطین مسئله سیده ایکّی دولت لیک ییچیم یولی نی حمایت قیلیش گه دوام ایته دیگن لیک لرینی بیلدیردی. 

دوجاریک, کونده لیک مطبوعات ییغینیده ژورنالیست لرنینگ سئوال لری گه جواب قیتردی. 

اسرائیل باش وزیری بنیامین نتنیاهو نینگ بیرلشگن ملتلر تشکیلاتی 78- عمومی کینگشی ییغیلیشیده گی معروضه سیده فلسطین توپراق لرینی, اسرائیل چیگره لری ایچیده کورستگن نقشه دن فایده لنگن لیگی گه قرشی عکس العمل لر بوییچه بیریلگن سئوال گه دوجاریک, "اعضا اولکه لرنینگ عمومی کینگشده نیمه دیگنی و نیمه نی کورستگنی گه اره له شه آلمه یمیز, همده اره له شیش نی خواهله مه یمیز" دییه جواب قیتردی. 

دوجاریک, بو نقشه نینگ بیرلشگن ملتلر تشکیلاتی نینگ فکری نی انعکاس ایتدیرمیاتگن لیگینی بیلدیررایکن, "بیز هر شرایطده ایکّی دولت لیک ییچیم یولی نی حمایت قیلیش گه دوام ایته میز" دییه قید ایتدی. 

فلسطین دایمی نماینده لیگی نینگ, نتنیاهو نینگ اوشبو ایشی نی قاره له گن مکتوبی نینگ بیرلشگن ملتلر تشکیلاتی عمومی سکرترلیگی گه ییتیب بارگن لیگی یاکه بارمه گن لیگی نی حاضرچه تائید ایته آلمه یدیگن لیگینی بیلدیرگن دوجاریک, بونده ی ایش لرنینگ بیرلشگن ملت لر تشکیلاتی نینگ فکری نی اوزگرتیرمه یدیگن لیگینی معلوم قیلدی.