سوریه ده مهم بیر تروریست جنگری تاثیرسیز وضعیت گه کیلتیریلدی

تورکیه ملی استخبارات تشکیلاتی (میت) ترور تشکیلاتی YPG/YPJ' نینگ اوزیچه منبج مسؤلی گه قره ته حربی عملیات اویوشتیردی.

تورکیه ملی استخبارات تشکیلاتی (میت) بولووچی ترور تشکیلاتی YPG/YPJ' نینگ اوزیچه منبج مسؤلی عمان درویش آتیده گی تروریست جنگریگه قره ته حربی عملیات اویوشتیریب تاثیرسیز وضعیت گه کیلتیردی.

خوفسیزلیک منبعلریدن قولگه کیریتیلگن معلوماتگه کوره میت، ترور تشکیلاتی پی کاکاگه 1998 ییلی قتنشگن تروریست جنگری عمان درویش نینگ تورکیه ده گی کتته شهرلرده ترورچیلیک اویوشتیریش اوچون قوریلگن اوزیچه گروپ نینگ مسؤللریدن بیرته سی ایکن لیگی و سوریه دن تورکیه گه قره ته اویوشتیریلیشی ریجه لنگن ترورچیلیکلرنی ریجه له گن لیگی بیلدیریلدی.

فرات قلقانی و ئزیتون یاله سی عملیاتی منطقه لریده وظیفه اجرا ایتووچی خوفسیزلیک کوچلریگه قره ته ترورچیلیکلرنینگ بویروغینی بیرگن تروریست جنگری درویش میت تامانیدن تعقیب آستیگه آلینگن.

سوریه نینگ منبج منطقه سیده ایکن لیگی انیقلنگن تروریست جنگری درویش میت تامانیدن اویوشتیریلگن عملیات آرقه لی قوریقچیلری بیلن بیرگه لیکده تاثیرسیز وضعیت گه کیلتیریلگن.