سوریه ده مهم بیر تروریست جنگری تاثیرسیز وضعیت گه کیلتیریلدی

تورکیه ملی استخبارات تشکیلاتی (میت) بولووچی ترور تشکیلاتی پی کاکا/وای پی جی نینگ مالی ایشلرینی بجرگن و یشیل قیدیروو رویخطیده بولگن زلفیه بین بیرنی سوریه نینگ رومیلان منطقه سیده تاثیرسیزوضعیت گه کیلتیردی.

خوفسیزلیک منبعلریدن قولگه کیریتیلگن معلوماتگه کوره روجنه کود آتیده گی بین بیر 1993 ییلی پی کاکاگه باریب قوشیلگن، عراق و سوریه ده ترورچیلیک فعالیتلریگه قول اورگن، 2018 ییلی اوزیچه «کوبانی قومندانی» بولگن.  

YPJ نینگ نماینده لیگینی هم قیلگن، پی کاکا/وای پی جی نینگ مالی ایشلرینی بجرگن و مالی مسؤللریدن بیرته سی بولگن بین بیر اوتمیشده خوفسیزلیک کوچلریگه قره ته آلیب باریلگن ترورچیلیک فعالیتلرگه اورین آلیشی و ترورچیلیکلر طفیلی قیدیروو یشیل رویخطیده اورین آلماقده ایدی.

بین بیر موش ولایتی والی لیگیده 2011 ییلی ستاژ قیله یاتگن اولوسوال کاندیدی کینان ایرین اوغلی و عسکرلیک قیله یاتگن آیکوت چیلیک نینگ آلیب دقاچیریش فعالیتلرینی ریجه له گن لیگی و تورکیه ده گی ایریم فعالیتلرگه قولی بولگن لیگی طفیلی میت تامانیثدن اوزاق مدتدن بیری تعقیب آستیده ایدی.

ساحه دن قولگه کیریتگن استخبارات معلوماتلرگه کوره اوپراسیون اویوشتیریش قراری آلگن میت بین بیرنی سوریه نینگ نفت ساحه سی بولمیش رومیلان منطقه سیده تاثیرسیزوضعیت گه کیلتیردی.