اسرائیل عسکر لری بیر نفر فلسطینلیک نی آتیب اولدیردی

اشغال آستیده گی غربی نوار نینگ شمالیده جایلشگن طولکرم شهری گه باغلیق نور شمس مهاجر لر کمپیده بیر نفر فلسطینلیک اسرائیل کوچ لری تامانیدن اوق اوزیلیشی نتیجه سیده حیاتینی یوقاتدی. 

منطقه ده گی ثابت ثابت کسلخانه سی مسئول لری دن بیری تامانیدن بیریلگن بیاناتده, نور شمس مهاجر لر کمپیده اسرائیل عسکر لری نینگ اوق اوزیشی عاقبتیده یره لنگن بیر نفر فلسطینلیک نینگ حیاتینی یوقاتگن لیگی بیلدیریلدی. 

عینی دمده شاهد لر, کمپ گه باسیب کیرگن اسرائیل عسکر لری بیلن فلسطینلیک لر اورته سیده توقنه شوو یوز بیرگن لیگینی معلوم قیلدی. 

اسرائیل عسکر لری, اوز لری بیلن بیرگه آلیب کیلگن ماشین آلات دن فایده له نیب یوللر نی قازدی و یول چیککه سیده تورگن فلسطینلیک لر نینگ موتر لریگه ضرر ییتکزدی. 

اوشبو حقده اسرائیل مقام لری تامانیدن ایسه هیچ قنده ی بیر بیانات بیریلمه دی.