اسرائیل نینگ غزه گه قره تیلگن هجوملری عاقبتیده اونلب کیشی حیاتینی یوقاتدی

اسرائیل نینگ غزه نواری گه قره تیلگن هجوملری عاقبتیده حیاتینی یوقاتگن لر سانی 25 نفر گه ییتدی. 

غزه ده گی ساغلیق نی سقلش وزیرلیگی اسرائیل هجوملری عاقبتیده حیاتینی یوقاتگن لر و یره لنگن لرنینگ سانی حقیده یازمه بیانات بیردی. 

بیاناتده, اسرائیل اردوسی نینگ 9- می دن بیری دوام ایتیاتگن غزه گه قره تیلگن هجوملری عاقبتیده 25 کیشی نینگ حیاتینی یوقاتگن لیگی و 76 نفر نینگ ایسه یره لنگن لیگی بیلدیریلدی. 

اسلامی جهاد حرکتی نینگ عسکری بخشی تامانیدن بیریلگن یازمه بیاناتده, راکت بولیمی مسئولی علی حسن غالی نینگ اسرائیل هجوملریده حیاتینی یوقاتگن لیگی بیلدیریلدی. 

مذکور حرکت تامانیدن آلدین بیریلگن بیاناتده, اسرائیل هجوملریده عسکری کادرلریدن یوقاری مرتبه لی 3 کیشی نینگ اولدیریلگن لیگی بیلدیریلگن ایدی. 

اسرائیل اردوسی سوزچیسی دانیال هاگاری, "حماس ایمس, بلکه اسلامی جهاد گه عاید نقطه لرنی هدف قیلیب آلگن لیکلرینی" بیلدیررایکن, "راکت آتگن لر اسلامی جهاد.  اوروش گه باشقه لر قوشیلسه اولر گه هم جواب قیتره میز" دییه قید ایتدی.