اسرائیل عسکرلری فلسطینلیک بیر باله نی آتیب اولدیردی

اسرائیل عسکری لری, اشغال آستیده گی غربی نوار نینگ اریحا شهریده 15 یاشلی فلسطینلیک بیر باله نی آتیب اولدیردی و 2 نفر نی ایسه یره له دی. 

اسرائیل کوچلری, اریحا شهریده جایلشگن عقبه جبر مهاجر لر کمپی گه باستیریب کیردی. 

فلسطین ساغلیق نی سقلش وزیرلیگی, اسرائیل عسکر لری نینگ 15 یاشلی بیر فلسطینلیک باله نی آتیب اولدیرگن لیگینی بیلدیردی.  وزیرلیک, اوشبو باله نینگ باشی, کوکره گی و قارنی گه اوق تیککن لیگینی معلوم قیلدی. 

عینی دمده اسرائیل عسکر لری نینگ ایکّی نفر فلسطینلیک نی یره له گن لیگی بیلدیریلدی. 

اسرائیل عسکر لری, بوگون غربی نوار ده گی نابلس شهریده جایلشگن العین مهاجر لر کمپی گه هم باستیریب کیریب 3 نفر فلسطینلیک نی یره له گن ایدی. 

اسرائیل کوچ لری و یهودی ناقل لرنینگ غربی نوارده گی حمله لری نتیجه سیده جاری ییلده 96 نفر فلسطینلیک حیاتینی یوقاتدی. 

غربی نوار نینگ شمالیده اورین آلگن اینیقسه جنین و نابلس کبی منطقه لرده گی حمله لر گه عکس العمل کورسه تیاتگن فلسطینلیک لر بیلن اسرائیل عسکر لری اورته سیده ایریم پیتلرده توقنه شوو لر یوز بیرماقده.