اسرائیللیک یهودلر ینه بیت المقدس گه باسیب کیردی

افراطی یهودی ناقل لر اسرائیل پولیسی نینگ حمایه سی بیلن اشغال آستیده گی شرقی بیت المقدس نینگ ایسکی شهر منطقه سیده اورین آلگن مسجد الاقصی نینگ صحنی گه باسیب کیردی و بو جایده اسرائیل بیراغی آچیب دینی مراسم عملگه آشیردی. 

بیت المقدس اسلامی وقف لر اداره سی نینگ بیاناتی گه کوره، اسرائیل پولیسی حمایه سی آستیده گی 216 نفر افراطی یهودی مسجدالاقصی گه باسیب کیردی. 

افراطی یهودی ناقل لر مسجدالاقصی نینگ صحنیده اسرائیل بیراغی آچیب بعضی دینی مراسم لر ترتیب له دی.

اسرائیل پولیس کوچلری یهودی ناقللرنینگ مسجد اقصی نی ترک ایتیب چیقیشی نینگ آرتیدن کوتریلیب کیتدی.

مسجد الاقصی, اسرائیل بیلن اردن اورته سیده میلادی 1994- ییل 26- اوکتوبر کونی امضالنگن تینچلیک کیلیشووی گه کوره اردن وقف لر, اسلامی ایش لر و مقدسات وزیرلیگی گه باغلیق بیت المقدس اسلامی وقف لر اداره سی حمایه سی آستیده. 

اشغال آستیده گی بیت المقدسده جایلشگن مسجد اقصی مسلمانلرنینگ ایلک قبله سی دیر.