جمهوررئیس اردوغان عراق باش وزیری بیلن سوزله شدی

تورکیه جمهوریتی جمهوررئیسی رجب طیب اردوغان, تلفن آرقه لی, عراق باش وزیری محمد شیاع السودانی بیلن سوزله شدی. 

تورکیه جمهوررئیسلیک علاقه باشقرمه سی تامانیدن بیریلگن بیانات گه کوره, صحبتده, تورکیه بیلن عراق اورته سیده گی مناسبت لردن تشقری منطقه مقیاسیده گی ینگیلیک لر باره سیده هم بحث ایتیلدی.

اوشبو صحبتده, جمهوررئیس اردوغان, کیلگوسیده برچه ساحه لر بوییچه ایکّی تامانلمه و منطقه مقیاسیده گی همکارلیک لرنینگ کوچه یه دیگن لیگی گه ایشانیاتگن لیگی نی بیلدیردی. 

عراقده تینچلیک و برقرارلیک و همده اوشبو اولکه نینگ ارضی تمامیتی گه کتته اهمیت بیریاتگن لیک لری نی بیلدیرگن جمهوررئیس اردوغان, بولووچی ترور تشکیلاتی پ.ک.ک نینگ عراق توپراق لریدن چیقاریلیشی نینگ, خوددی شوو اولکه نینگ ملی خوفسیزلیگی گه اویغون بوله دیگن لیگی نی ایسله تیب اوتدی.