تورکیه ملی استخبارات تشکیلاتی تامانیدن مهم بیر تروریست جنگری تاثیرسیز وضعیت گه کیلتیریلدی

تورکیه نینگ ملی استخبارات تشکیلاتی (میت) تامانیدن عراق شمالیده اویوشتیریلگن حربی عملیاتی بیلن بولووچی ترور تشکیلاتی پی کاکانینگ اوزیچه یوقاری سویه لی مسؤلی تاثیرسیز وضعیت گه کیلتیریلدی.

خوفسیزلیک منبعلریدن قولگه کیریتیلگن معلوماتگه کوره ترور تشکیلاتی نینگ قوراللی فعالیتلری باشقریلگن اوزیچه PKK-HPG کینگشی اعضاسی و ترور تشکیلاتی نینگ خاتین – قیزلر باشقرمه سی YJA-STAR نینگ اوزیچه یوقاری سویه لی ییتکچیسی "برفین نورحق" کود آتیده گی تروریست جنگری خانم دیمیر، ملی استخبارات تشکیلاتی (میت) تامانیدن عراق شمالیده تعقیب آستی گه آلیندی.

ترور تشکیلاتی بیلن اوتکزه دیگن جلسه نینگ جایی انیقلنگندن کیین دیمیرگه قره ته عملیات اوچون حرکت گه اوتیلدی. دیمیر بیلن همراهیده گی پی کاکا منسوبی تروریست جنگریلر عراق نینگ شمالیده جایلشگن غاراده تاثیرسیز وضعیت گه کیلتیریلدی.

تروریست جنگری دیمیرنینگ 1990 ییللریده ترور تشکیلاتی پی کاکاگه باریب قوشیلگن لیگی شونده ی بولیب خوفسیزلیک کوچلریگه قره ته اویوشتیریلگن انچه تروریستیک هجوم نینگ ریجه لشتیرووچیسی آره سیده اورین آلگن لیگی معلوم قیلیندی.

ترور تشکیلاتی نینگ تروریستیک فعالیتلرینی سینجار و غاراده آلیب بارگن دیمیرنینگ ترور تشکیلاتی منسوبلریگه آیدولوژیک و قوراللی تعلیملر بیرگن لیگی انیقلندی.

ملی استخبارات تشکیلاتی (میت) تامانیدن 2021 ییلی "صوفی تورالدین" کود آتیده گی تروریست جنگری حلف المحمدنینگ تاثیرسیز وضعیتی گه کیلتیریلیشی نینگ آرتیدن خوددی شو تروریست جنگری دیمیرنینگ ترور تشکیلاتی تامانیدن اونینگ اورنیده تعیین قیلینگن لیگی بیلدیریلدی.