محمود عباس مولود چاووش اوغلی نی قبول قیلدی
اوچره شووده فلسطین مسئله سی حقیده سوز یوریتیلدی
فلسطین دولت رهبری محمود عباس, رام الله گه تشریف بویورگن تورکیه جمهوریتی تشقی ایش لر وزیری مولود چاووش اوغلی نی قبول قیلدی.
اوچره شووده فلسطین مسئله سی بیلن منطقه مقیاسیده گی ینگی لیک لر حقیده سوز یوریتیلدی.
عباس گه تورکیه جمهوریتی جمهوررئیسی رجب طیب اردوغان نینگ سلامی نی ییتکزگن چاووش اوغلی, فلسطین رهبری نی تورکیه گه دعوت ایتدی.
تورکیه نینگ فلسطین خلقی و عادلانه حق لری نی قوللب- قوتله گن لیگی نینگ مقتاو گه سزاوار ایکن لیگی نی بیلدیرگن عباس, فلسطین- تورک اورتاق کمیته سی نینگ فعالیت لری نینگ دوام ایتتیریشی و فلسطین- تورک خلق لری اورته سیده گی مناسبت لرنینگ کوچه یتیریلیشی نینگ اهمیتی گه دقت قره تدی.
عباس تامانیدن قبول قیلنمسدن آلدین فلسطین لیک کسبداشی ریاض المالکی بیلن اوچره شگن و تشقی ایش لر وزیر لری سویه سیده گی تورکیه- فلسطین اورتاق کمیته سی ایکّینچی ییغیلیشیده اشتراک ایتگن چاووش اوغلی, بوگون اسرائیلده ایریم اوچره شوو لر اوتکزه دی.
اسرائیلده تشقی ایش لر وزیری یائیر لپید بیلن و هیئت لر ارا بولیب اوته دیگن اوچره شووده, تورکیه بیلن اسرائیل اورته سیده گی مناسبت لردن تشقری منطقه و خلق ارا مقیاسده گی مسئله لر حقیده بحث ایتیلیشی ریجه لنماقده.
علاقه لی ینگی لیکلر
غزه نواریده حیاتینی یوقاتگن فلسطینلیک سانی 32 مینگ 490 گه ییتدی
اسرائیل نینگ غزه نواریگه هجوملری 173 کوندن بیری دوام ایتماقده
اسرائیل اردوسی تامانیدن تینچ اهالی گه قره ته اویوشتیریلگن هجوملر عاقبتیده اونلب کیشی جان بیردی
اسرائیل اردوسی غزه نواری دن بدرغه بولگن فلسطین لیکلر قالگن چادرنی بمباردمان قیلدی