اسرائیل شرقی بیت المقدسده بیر مسجد نی ویران قیلیش گه قرار قیلدی

اسرائیل گه باغلیق بیت المقدس شهردارلیگی, اشغال آستیده گی شرقی بیت المقدسده قوریلیش ایش لری دوام ایتیاتگن بیر مسجد نی ویران قیلیش گه قرار قیلدی. 

فلسطین نینگ رسمی خبر آژانسی WAFA نینگ بیرگن خبریگه کوره, شهردارلیک شرقی بیت المقدس نینگ عیسویه محله سیده, 15 کون آلدین تهدابی قویلگن بیر مسجد نی ویران قیلیش گه قرار قیلگن. 

خبرده, تقریباً 300 متر مربع لیک بیر ساحه ده قوریلیش لری باشله گن اوشبو مسجد نینگ رخصتسیز ایکن لیگی بهانه سی بیلن 4 کون مابینیده ویران قیلینه دیگن لیگی معلوم قیلیندی.

فلسطین لیک لر ایسه اوشبو مسجد نینگ ویران قیلینیشی نینگ آلدی نی آلیش اوچون اجتماعی ترماق آرقه لی "مسجد لری میز نینگ ویران بولیشی ممکن ایمس" عنوانی بیلن بیر کمپاین باشلتدی. 

اسرائیل پولیس لری, 3- جنوریده محله گه باسیب کیریب اوشبو مسجد نینگ قوریلیشی نینگ آلدی نی آلیش گه حرکت قیلگن ایدی.