اسرائیل اوتگن ییلده 319 نفر فلسطین لیک نی اولدیردی

اسرائیل نینگ میلادی 2021- ییلده 319 نفر فلسطین لیک نی اولدیرگن لیگی بیلدیریلدی.

اسرائیل نینگ انسان حق لری موسسه سی دن عبارت B'Tselem, میلادی 2021- ییلده 319 نفر فلسطین لیک نینگ اسرائیل خوفسیزلیک کوچ لری و یهودی ناقل لر تامانیدن اولدیریلگن لیگی و 295 اوی نینگ ویران قیلینگن لیگی نی بیلدیردی.

اوشبو موسسه, اولدیریلگن خوددی شوو کیشی لرنینگ 71 نفری نینگ باله لردن عبارت ایکن لیگی نی معلوم قیلدی. 

خوددی شوو موسسه, بیرته گینه میلادی 2021- ییل 14- می نینگ اوزیده, غربی نوارده 13 نفر فلسطین لیک نینگ اسرائیل خوفسیزلیک کوچ لری و یهودی ناقل لر تامانیدن اولدیریلگن لیگی نی بیلدیردی. 

عینی دمده اوشبو موسسه تامانیدن بیریلگن یازمه بیاناتده, اوتگن ییلده شرقی بیت المقدس و غربی نوارده فلسطین لیک لرنینگ 295 اویی نینگ ویران قیلینگن لیگی, 463 نفری باله لردن عبارت 895 فلسطین نینگ اوی سیز قالگن لیگی بیلدیریلدی.

اوشبو موسسه, میلادی 2020 ییلده یهودی ناقل لر نینگ فلسطین لیک لر گه قره تیلگن هجومی سانی 251 ایکن, میلادی 2021- ییلده ایسه اوشبو رقم نینگ 336 گه کوتریلیب کیتگن لیگی گه دقت قره تدی.