ترور تشکیلاتی پ.ک.ک اعضاسی بیش نفر تروچی یوق قیلیندی

عراق نینگ شمالیده بولووچی ترور تشکیلاتی پ.ک.ک اعضاسی 5 نفر ترورچی یوق قیلیندی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, عراق نینگ شمالیده گی خاکورک منطقه سیده ترورچی لر گه قرشی قوراللی اوچووچیسیز اوچاق لر بیلن عملیات اویوشتیریلگن لیگی بیلدیریلدی. 

بیاناتده, "تورکیه قوراللی کوچ لری و ملی استخبارات تشکیلاتی نینگ همکارلیگی نتیجه سیده, عراق نینگ شمالیده گی خاکورک منطقه سیده انیقلنگن ترور تشکیلاتی پ.ک.ک اعضاسی 5 نفر ترورچی, قوراللی اوچووچیسیز اوچاق لردن فایده له نیب اویوشتیریلگن عملیات نتیجه سیده یوق قیلیندی.  تروریزم گه قرشی کوره شی میز موثر و قرارلی بیر شکلده دوام ایته دی" دییه قید ایتیلدی. 

باشقه بیر تاماندن ایسه تورکیه نینگ سیرت ولایتیده بولووچی ترور تشکیلاتی پ.ک.ک گه قرشی ایره ن قیش- 5 عملیاتی باشله تیلدی. 

تورکیه جمهوریتی ایچکی ایش لر وزیرلیگی تامانیدن بیریلگن بیاناتگه کوره, اولکه ده پ.ک.ک نینگ تامیری نینگ قوریتیلیشی و منطقه ده موجود ایکن لیگی بیلدیریلگن ترورچی لرنینگ یوق قیلینیشی اوچون سیرتده عملیات باشله تیلدی. 

عملیات گه 700 پرسونل, 53 عملیات تیمی اشتراک ایتماقده. 

بیاناتده, تورکیه نینگ ایچیده تروریزم نینگ بوتونله ی یوق قیلینیشی بوییچه آلیب باریلیاتگن 'ایره ن' قیش عملیات لری نینگ, خلق نینگ حمایه سی بیلن ایشانچلی, قرارلی و موفقیتلی بیر شکلده دوام ایتیاتگن لیگی معلوم قیلیندی.