عراق نینگ شمالیده بیر تورک عسکری شهید بولدی

عراق نینگ شمالیده پنجه – یلدیرم عملیاتی منطقه سیده تروریست جنگریلر تامانیدن اورنه تیگن منفجره موادنینگ پارتلب کیتیشی عاقبتیده بیر تورک عسکری شهید بولدی.

تورکیه جمهوریتی ملی مدافعه وزیرلیگی تامانیدن بیریلگن بیاناتده شو شکلده معلومات بیریلدی:

" پنجه – یلدیرم عملیاتی منطقه سیده بوگون تروریست جنگریلر تامانیدن اورنه تیگن منفجره موادنینگ پارتلب کیتیشی عاقبتیده بیر قهرمان اوتاغیمیز عسکر شهید بولدی. بیزنی چقور قیغو و الم گه چومگن بو حادثه ده حیاتینی یوقاتگن عزیز شهیدیمزگه الله تعلی دن مغفرت، عایله سی و تورک قوراللی کوچلری بیلن ملتیمیزگه قیغوداشلیک و صبر تیله یمیز" دیب افاده ایتیلدی.

تورکیه قوراللی کوچلری 24 اپریلده اوشبو منطقه دن تورکیه نی اماج قرار بیرگن تروریست جنگریلرگه ثقره ته پنجه یلدیرم عملیاتی گه باشله گندی.