بغدادده پارتلش یوز بیردی

عراق نینگ پایتختی بغدادده بیر بازار جایده یوز بیرگن پارتلش عاقبتیده 30 کیشی حیاتینی یوقاتدی، 60 کیشی یره لندی.

حکومت گه باغلیق ساغلیقنی سقلش منبعلریدن قولگه کیریتیلگن معلوماتگه کوره بغدادنینگ شرقیده جایلشگن صدر منطقه سیده گی الولیعهد خلق بازار جاییده پارتلش یوز بیرگن.

قربان بیره می عرفه کونیده گی گاوجوم وقتده یوز بیرگن پارتلش عاقبتیده دستلبکی معلوماتگه کوره 30 کیشی حیاتینی یوقاتدی، 60 کیشی یره لندی.

اولگنلر آره سیده خاتین – قیز و باله لرنینگ هم موجود ایکن لیگی معلوم قیلیندی.

بو هجوم نینگ مسؤلیتینی ترور تشکیلاتی داعش نینگ اوز بوینی گه آلگن لیگی بیلدیریلدی.

مدافعه وزیرلیگی گه باغلیق خوفسیزلیک میدیا مرکزی پارتلش نینگ ترورچیلیک هجومی ایکن لیگینی خبر بیرگندی.

باش وزیر مصطفی الکاظمی هم هجوم اویوشتیریلگن منطقه نینگ قومندانی نینگ نظارتگه آلینیشی بوییچه بویروق بیرگندی.