اسرائیل پولیس کوچلری فلسطینلیک تینچ اهالی گه هجوم اویوشتیرماقده

اسرائیل پولیس کوچلری اشغال آستیده گی بیت المقدس نینگ شیخ جراح محله سیده اوی – جایلریدن زوروانلیک بیلن چیقرماقچی بولیب تهدید ایتیلگن منطقه ده گی تینچ اهالی بیلن بیر قطارده اولرنی قوللب – قوتلش اوچون کیلگن فلسطین لیکلرگه هجوم اویوشتیردی.    

شاهدلردن آلینگن معلوماتگه کوره اسرائیل پولیس کوچلری محله یشاوچیلری نینگ شیخ جراحده جایلشگن میدانلرگه کیریشلریگه توسیق بولرکن ژورنالیستلر بیلن اوی – جایلریدن زوروانلیک بیلن چیقرماقچی بولیب تهدید ایتیلگن فلسطینلیکلرنی قوللب – قوتلش اوچون کیلگن لرگه هجوم اویوشتیریب منطقه دن قوالب یوبارگن.

اسرائیل پولیس کوچلری عین دمده شیخ جراح محله سیده بیر اوی نینگ ایشیگینی سیندیریب باسقین اویوشتیرگن و اویده گیلرگه هجوم اویوشتیرگن.

اسرائیل لیک غیر مشروع کیلیب جایلشگنلر شنبه کونی اشغال آستیده گی شرقی بیت المقدس نینگ شیخ جراح محله سی اهالیسی گه اچیق گاز آرقه لی مداخله قیلگندی.

رمضان آیی باشله 13 اپریلدن بویان مسجد اقصی و اطرافی بیلن اشغال آستیده گی بیت المقدس نینگ شیخ جراح محله سیده اسرائیل پولیس کوچلری تامانیدن اویوشتیریلگن هجوملر باعث بحران یوز بیریب دوام ایتماقده.