بیر نفر تورک عسکری شهید بولدی

سوریه ده بهار قلقانی عملیاتی منطقه سیده یوز بیرگن راکت هجومی عاقبتیده بیر نفر تورک عسکر شهید بولرکن 4 ته عسکر یره لندی.

تورکیه جمهوریتی ملی مدافعه وزیرلیگی تامانیدن بیریلگن بیاناتده بهار قلقانی عملیاتی منطقه سیده توناون کونی اکمالات قطاری گه قره ته هجوم اویوشتیریلدی. بو هجوم عاقبتیده بیر نفر عسکر شهید بولدی، 4 عسکر ایسه یره لندی. یره لنگن عسکرلر تیزده کسلخانه گه آلیب باریلدی.

تورکیه بویوک ملت مجلسی باشلیغی مصطفی شن توپ ادلبده بهار قلقانی منطقه سیده شهید بولگن عسکر اوچون تویتر آرقه لی قیغوداشلیک پیامی ترقه تدی.  

"خائینانه هجومده شهادت گه ایریشگن قهرمان عسکریمیزگه الله تعلی دن مغفرت، یره لنگن عسکرلریمیزگه شفالر تیله یمین. عزیز ملتیمیزنینگ باشی ساغ بولسین" دیب ایتدی.

جمهور رئیسلیک علاقه بولیمی باشلیغی فخرالدین آلتون هم اجتماعی ترماق آرقه لی قیغوداشلیک پیامی ترقه تدی.

" شهید بولگن قهرمان عسکریمیزگه الله تعلی دن مغفرت، یره لنگن عسکرلریمیزگه شفالر تیله یمین. عزیز ملتیمیزنینگ باشی ساغ بولسین. ترور تشکیلاتی نینگ تی تیبله ی یوق قیلگونچگه قدر قرارلی کوره شیمیز دوام ایته دی" دیدی.