ایردوغان: مسجدالاقصی و مسلمان لرگه قره تیلگن هجوملرنینگ زودلیک بیلن توخته تیلیشی کیره ک

تورکیه جمهوریتی جمهوررئیسی رجب طیب ایردوغان, اسرائیل کوچ لری نینگ مسجدالاقصی گه قره تیلگن هجوم لری بیلن علاقه لی بیرگن بیاناتیده, "بیت المقدس ده مسجدالاقصی و مسلمان لرگه قره ته وحشیانه هجوم لرنینگ زودلیک بیلن توخته تیلیشی نی ایسته ماقده میز" دییه قید ایتدی.

"بیت المقدس و مسلمان لر نی حمایه قیلالمه یدیگن بیر دنیا, اوزی گه خیانت قیلگن و اوزی نی یوق قیله دیگن بمب نی پارتلتگن دیمک" دییه قید ایتگن جمهوررئیس ایردوغان, مسلمان اولکه لر و دنیا نی اسرائیل نینگ, مسجدالاقصی, بیت المقدس و فلسطین لیک لرنینگ اوی لری گه قره تیلگن هجوم لری گه قرشی اقدام قیلیش گه چقیردی. 

جمهوررئیس ایردوغان, اسرائیل دولتی نینگ هجوم لری گه عکس العمل کورستمه گن یاکه جدی بیر سیاست آلیب بارمی مستقیم بولمه گن بیر شکلده اسرائیل نی قوللب- قوتله گن همه نینگ, او ییرده گی ظلم گه شریک ایکن لیگی نی معلوم قیلدی.

ایردوغان, "ظالم اسرائیل, ترور دولتی اسرائیل مقدساتی نی اسره ش, مینگلب ییل لیک اوی لری و یورت لری گه ایگه بولیش دن باشقه بیر هدفی بولمه گن بیت المقدس ده گی مسلمان لر گه وحشیانه و اخلاقسیز بیر شکلده هجوم اویوشتیرماقده" دییه قید ایتدی.

جمهوررئیس ایردوغان, اوز سوزلری نی, "تورکیه اوله راق هردایم بولگن لیگی دیک بوگون هم بیت المقدس ده گی قرداش لری میز و فلسطین جغرافیه سیده گی برچه مسلمان لرنینگ یانیده میز" شکلیده دوام ایتتیردی. 

اسرائیل پولیسی نینگ, مسجدالاقصی, دمشق ایشیگی و الشیخ جراح محله سیده فلسطین لیک لر گه قره تیلگن هجوم لری عاقبتیده 200 دن آرتیق کیشی یره لنگن ایدی. 

منطقه ده اسرائیل پولیسی نینگ هجوم لری دوام ایتماقده.