تورکیه بیلن مصر اورته سیده گی مناسبتلر بوییچه تحلیلی مقاله

سونگگی پیتلرده اورته شرقده کوپلب اولکه لر قیینچیلیک لری بولگن یاکه رقابت ایتیاتگن دولت لر بیلن مناسبت لری نی یخشی لشتیریش گه انتیلماقده. 

اوشبو پروسه دستلب امریکا قوشمه ایالتلری نینگ سابق دولت رهبری دونالد ترامپ دوری ده اسرائیل بیلن ایریم عرب اولکه لری اورته سیده باشله گن ایدی. امریکا ده جو بایدن نینگ دولت رهبری ایتیب سیله نیشی آرتیدن مذکور پروسه نینگ اورته شرقده کوپلب اولکه لر گه تاثیر قالدیرگن لیگی کوریندی.  اوتگن هفته لرده سعودی عربستان بیلن ایران اورته سیده بحث موضوعی بولگن مثبت پیام لر منطقه نینگ ایککی رقیبی آره سیده هم مناسبت لرنینگ یخشی لشتیریلیشی بوییچه قدم لرنینگ تشله نیشی نینگ ممکن ایکن لیگی نی ایسله تدی.  تورکیه ایسه اوشبو دورده اینگ کوپ کون ترتیبی ده اورین آلگن اولکه لر دن بیری بولدی.  تورکیه- اسرائیل, تورکیه- مصر و تورکیه- سعودی عربستان اورته سیده گی یقینله شیش نینگ اورته شرقده ینگی بیر دور نینگ باشلب کیتیشی گه سبب بولیشی ممکن.  تورکیه بیلن مصر اورته سیده گی مناسبت لرنینگ عادی له شیشی بوییچه سونگگی کونلرده ینه بیر قدم تشلندی.  استخبارات باشلیق لری و تشقی ایش لر وزیر لری نینگ سوزله شیشی آرتیدن بیر تورک هیئتی مصر پایتختی قاهره گه کیتدی. 

تورکیه بیلن مصر اورته سیده گی مناسبت لرنینگ عادی له شیشی بوییچه آلیب باریلیاتگن فعالیت لرنینگ منطقه مقیاسیده گی فرقلی فکتور لر گه باغلیق اوله راق بهالنتیریلیشی ممکن.  امریکا قوشمه ایالتلری نینگ سعودی عربستان نی یمن ده یالغوزلشتیرگن لیگی و هسته ای کیلیشوو دایره سیده کونساین ایران بیلن یقینله شیاتگن لیگی اورته شرق ده گی کوچ موازنه لری جهتی دن ینگی بیر وضعیت نینگ حاکم بولیشی سبب بولدی.  آق اوی نینگ اورته شرق نماینده سی مک گورک نینگ سعودی عربستان, بیرلشگن عرب امیرلیک لری, مصر و اردن گه باریب ایران بیلن بولگن هسته ای کیلیشوو گه قیتیش بوییچه متفق لری نینگ قیغو لری نی یوق قیله دیگن لیگی عکس ایتدی. امریکا قوشمه ایالتلری نینگ اورته شرق ده گی بیرینچی اولویتی ایران هسته ای کیلیشووی نی کنترول ایتیش و تهران رهبریتی بیلن مذاکره قیلیش دن عبارت.  باشقه بیر تاماندن ایسه روسیه و چین کبی خلق ارا اکتور لر نینگ اورته شرق بیلن قیزیقیشی امریکا قوشمه ایالتلری گه قرشی ینگی رقابت اوله راق انعکاس ایتماقده.  بونده ی بیر شرایطده منطقه مقیاسیده گی اوینچی لر اوز اورته لریده گی معما لر نی ییچیش گه انتیلماقده. تورکیه بیلن مصر نینگ یقینله شیش بوییچه تشبث لری نی هم اوشبو دایره ده بهالنتیریش کیره ک. 

اورته ییر دینگیزی ده گی صلاحیت تقسیمی و لیبیا مسئله سی انقره – قاهره یقینله شیشی نینگ اینگ حقیقی سببی اوله راق بهالنتیریلماقده.  لیبیاده سیاسی اوتیش پروسه سی نینگ باشله شی آرتیدن مصر بیلن تورکیه اوچون لیبیا نینگ مشترک بیر مسئله گه ایله نیشی ممکن.  انقره بیلن قاهره لیبیا توغریسیده بیر یقه دن باش چیقاریش نینگ ستراتیژیک اهمیت گه ایگه ایکن لیگی نی درک ایتگن وضعیتده.  شرقی اورته ییر دینگیزیده گی انرژی منبع لری بیلن علاقه لی رقابت نینگ ایسه ایککی اولکه گه اونچه لیک فایده لی ایمس لیگی درک ایتیلدی.  یونان بیلن کیلیشوو امضاله گن مصر اوشبو کیلیشوو نینگ قاهره نینگ اولویت لری نی تامین ایتمه یدیگن لیگی نی بیله دی.  شوباعث شرقی اورته ییر دینگیزیده انرژی ساحه سی بوییچه همکارلیک قیلیشی مصر نینگ فایده سی گه بوله دی.  اوشبو ایککی موضوع مناسبت لرنینگ عادی له شیشی بوییچه پروسه نینگ هم اینگ مثبت کون ترتیبی نی تشکیل ایتماقده. 

انقره بیلن قاهره اورته سیده بیر معما دن عبارت اخوان المسلمین مسئله سی ایسه حاضرچه بیر تامان گه قوییلگن وضعیتده. حاضرگی کونده ینه ده مهمراق منطقه ده گی جیوپلیتیک موضوع لر مصر بیلن تورکیه نی بیر بیر لری گه یقینلشتیره دی.  مصر بیلن تورکیه اورته سیده گی مناسبت لرنینگ عادی له شیشی لیبیا مسئله سی داخل منطقه ده وضعیت نینگ یخشی له شیشی گه سبب بوله دی.  یخشی بیر شکلده بهالنتیریلیشی تقدیرده منطقه ده گی استرس نی کمه یتیریشی هم ممکن.