ترور تشکیلاتی پ.ک.ک عراق نینگ شمالیده گی محلی رهبریت کوچلری گه هجوم اویوشتیردی

عراق نینگ اربیل شهریده بولووچی ترور تشکیلاتی پ.ک.ک, عراق نینگ شمالیده گی محلی کُرد رهبریتی نینگ پیشمرگ کوچلری گه قرشی هجوم اویوشتیردی. 

اربیل ده گی نشراتی اورگان لردن بیری تامانیدن بیریلگن خبر گه کوره, ترور تشکیلاتی پ.ک.ک, اربیل نینگ سوران تومنی سیده کان منطقه سیده پیشمرگ کوچلری گه هجوم اویوشتیرگن. 

موضوع بیلن علاقه لی بیانات بیرگن پیشمرگ کوچلری قوماندانی بهرام عارف یاسین, پ.ک.ک نینگ, سیده کان ده گی پیشمرگ مرکزی گه هجوم اویوشتیرگن لیگی نی معلوم قیلرایکن, اوشبو حادثه نینگ جانی خساره گه سبب بولمه گن لیگی نی بیلدیردی. 

12 مارچ کونیده هم سیده کان منطقه سیده ترور تشکیلاتی پ.ک.ک تامانیدن جایلشتیریلگن ماین, پیشمرگ کوچ لری موتری نینگ اوتیاتگن پیتده پارتلب کیتگن ایدی.

خوددی شوو حادثه عاقبتیده بیر پیشمرگ حیاتینی یوقاترایکن, بیر پیشمرگ ایسه یره لنگن ایدی.