اسرائیل کوچلری 7 نفر فلسطین لیک نی یره له دی

اسرائیل کوچلری, اشغال آستیده گی غربی نوارده ناقانونی روشده قوریلگن یهودی تورر جای لر و اجره تیش ( اویَت) دیواری گه قرشی ناراضیچیلیک نمایشلریده 7 نفر فلسطین لیک نی یره له دی. 

اسرائیل پولیسی تامانیدن بیریلگن یازمه بیاناتده, بیت لحم نینگ جنوبیده جایلشگن بیر پوسته ده پولیس نینگ, بوتل آتماقچی بولگن لیگی سببلی فلسطین لیک بیر ییگیت گه اوق اوزگن لیگی بیلدیریلدی.

بیاناتده, اوشبو  ییگیت نینگ کسلخانه ده دوالنیاتگن لیگی و ساغلیق وضعیتی نینگ یمان ایکن لیگی معلوم قیلیندی.

عینی دمده فلسطین لیک لر ناقانونی یهودی تورر جای لر و اجره تیش دیواری گه قرشی غربی نوارده ناراضیچیلیک نمایش لری اوتکزدی.

اوشبو ناراضیچیلیک نمایشلریده اسرائیل کوچلری, 6 نفر فلسطین لیک نی یره له دی.  خوددی شوو کیشی لردن بیری نینگ حقیقی مرمی بیلن ایاغیدن اوریلگن لیگی و 5 کیشی سی نینگ ایسه پلاستیک مرمی تیگیب یره لنگن لیگی معلوم قیلیندی.