تورکیه قوراللی کوچلری تامانیدن کینگ کولملی عملیات آلیب باریلماقده

اوشبو عملیاتلر عراق و تورکیه ده آلیب باریلماقده

1630506
تورکیه قوراللی کوچلری تامانیدن کینگ کولملی عملیات آلیب باریلماقده

تورکیه نینگ شیرناق و حقاری ولایتلریده 5 مینگ 280 پرسونل نینگ قتنشیشی بیلن "ایرن جودی – بستا" و "ایرن قزان – اوغیل" عملیاتلری باشله تیلدی.

تورکیه جمهوریتی ایچکی ایشلر وزیرلیگی تامانیدن بیریلگن بیاناتده "ایرن عملیاتلری" نینگ خلق نینگ همکارلیگی بیلن ایشانچلی، قرارلی و یوتوقلی بیر شکلده دوام ایتیب تورگن لیگی بیلدیریلدی.  

شو دایره ده عراق نینگ شمالیده اویوشتیریلگن پنجه – چقماق و پنجه – یلدیرم عملیاتلری بیلن همزمان یورت ایچیده بولووچی ترور تشکیلاتی پی کاکانی اولکه نینگ کون ترتیبیدن بوتونله ی چیقریب تشلش، تروریستلرنینگ پناهگاهلری اورته سیده اوتیش گه توسیق بولیش و تروریستلرنی تاثیرسیز وضعیت گه کیلتیریش اوچون شیرناقده "ایرن جودی – بستا" و حقاریده "ایرن قزان – اوغیل" عملیاتلری باشله تیلدی.

عملیاتلرده 352 ته اوپراسیون تیمی، 5 مینگ 280 ته پرسونل وظیفه آلیب بارماقده.

یورت ایچیده تروریزم نی بوتونله ی برطرف ایتیش اوچون جاری ییل نینیگ 11 جنوری تاریخیده باشله تیلگن "ایرن عملیاتلری" چوکاتیده بوگونگچه 22 ته تروریست جنگری تاثیرسیز وضعیت گه کیلتیریلدی. شونده ی بولیب تروریستلرگه همکار بولگن 75 نفر قولگه آلیندی. عین دمده 666 ته مغاره، سوم و دیپو یوق قیلیندی، انچه مهمات و مواد قولگه کیریتیلدی.  



علاقه لی ینگی لیکلر