قطر امیری شیخ تمیم بیلن سعودی عربستان ولیعهد شهزاده سی بن سلمان اوز ارا صحبت قیلدی

قطر سونگگی کونلرده یمنده ایران حمایه سیده گی حوثیلر تامانیدن قول اوریلگن هجوملرنینگ تاباره آرتیب باریشی نینگ آرتیدن سعودی عربستان نینگ خوفسیزلیک و برقرارچیلیگی نی قوللب – قوتله گن لیکلرینی بیلدیردی.

قطر امیرلیک سراییدن بیریلگن یازمه بیاناتده قطر امیری شیخ تمیم بن حمد آلثانی بیلن سعودی عربستان ولیعهد شهزاده سی محمد بن سلمان نینگ صحبت قیلگن لیگی خبر بیریلدی.

تیلفون آرقه لی بولیب اوتگن صحبتده تمیم اوز اولکه سی نینگ سعودی عربستان نینگ حاکمیت، خوفسیزلیک و برقرارچیلیگی نی قوللب – قوتله گن لیگینی و سعودی عربستان نینگ برقرارلیگی نینگ قطر و کورفز همکارلیک کینگشی منسوب اولکه لرنینگ برقرارلیگی نینگ پارچه سی ایکن لیگینی افاده ایتگن لیگی قید ایتیلدی.

اوچره شووده منطقوی و خلق ارا موضوعلرنی تیلگه آلگن بن سلمان و تمیم نینگ کورفز اولکه لری اورته سیده گی مشترک حرکت نینگ قوللب – قوتلنیشی موضوعی بوییچه موافق بولگن لیکلری معلوم قیلیندی.

قطر تشقی ایشلر وزیرلیگی هم بوندن آلدین بیرگن بیاناتیده حوثیلر تامانیدن سعودی عربستان گه قره ته قول اوریلگن بالستیک راکت هجوملری و انسانسیز هوا واسطه لری آرقه لی هجوملرنی قتّیق قاره له گندی.