اربیل خلق ارا قونلغه سیده اوچیشلر قیته دن تیکلندی

عراق اربیل خلق ارا قونلغه سی راکت هجومی گه اوچره ب اوچیشلر توخته لیب قالگندی. بیراق اوچیشلر قیته دن باشله دی.

اربیل قونلغه سی مدیری احمد هوشیار اویوشتیرگن مطبوعاتی کنفرانسده قونلغه گه اویوشتیریلگن هجوملرنینگ ارتیدن یولاوچیلرنینگ امنیتی اوچون توناون کونی کیچه محلی وقت بیلن ساعت 22:00 ده برچه اوچیشلری توخته تیب قویگن لیکلرینی ایتدی.

هوشیار 14 ساعت توخته تیلگن اوچیشلرنینگ ساعت 12:00 ده نورمال وضعیتی گه ایلنگن لیگینی قونلغه نینگ قیته دن اوچیش ترافیکی گه آچیلگن لیگینی افاده ایتدی.

عراق کُرد منطقوی باشقرووی ایچکی ایشلر وزیرلیگی توناون کونی کیچه امریکا عسکرلری جایلشگن اربیل قونلغه سی و شهریگه اویوشتیریلگن هجوملرده 1 کیشی نینگ حیاتینی یوقاتگن لیگینی 9 کیشی نینگ یره لنگن لیگینی بیلدیرگندی.