ایران اسرائیل نی تهدید قیلدی

ایران, اسرائیل تامانیدن هجوم اویوشتیریلیشی تقدیرده, اسرائیل نینگ حیفا و تل ابیب شهر لری نی اوره دیگن لیگی نی بیلدیردی.

ایران تلویزیونی, ایران قوراللی کوچ لری قوماندان لیگی نینگ سوزچیسی جنرال ابوالفضل شکارچی نینگ, اسرائیل قوراللی کوچ لری قوماندانی آویو کوچاوی نینگ هجوم تهدید لری گه جواب قیترگن لیگی نی معلوم قیلدی. 

شکارچی, "اینگ کیچیک بیر ناتوغری حرکت لری ده هم ایران گه قرشی هجوم اوچون تیارلنگن راکت مرکز لری و همده اینگ قیسقه پیتده حیفا بیلن تل ابیب نی ییر بیلن یکسان قیله میز" دییه قید ایتدی. 

ایران نینگ هسته ای برنامه لری نینگ بوتونله ی تینچلیک سیور ایکن لیگی نی معلوم قیلگن شکارچی, اوز سوز لری نی, "بونی صهیونیست رژیم اوچون ایمس بلکه دنیا گه ایته میز.  دینی رهبر آیت الله خامنه ای نینگ فتواسی و همده ایران نینگ مدافعه سیاستی ده هسته ای سلاح ایشلب چیقاریش پلانی موجود ایمس" شکلیده دوام ایتتیردی. 

شکارچی, "ایران نی جوده یخشی بیر شکلده مدافعه قیلیش کوچی گه ایگه میز" دییه قید ایتدی. 

اسرائیل قوراللی کوچ لری قوماندانی کوچاوی, اوتگن کون بیرگن بیاناتیده, ایران نینگ هسته ای برنامه سی نینگ آلدینی آلیش مقصدی بیلن اردو گه ینگی بیر عملیات پلانی اوچون تیارگرلیک اوتکزیش بوییچه بویروق بیرگن لیگی نی بیلدیرگن ایدی.