امریکا قوشمه ایالتلری نینگ بغداد ایلچی لیگی گه قره ته راکتی هجوم اویوشتیریلدی

عراق پایتختی بغداد ده یاشیل منطقه ده اورین آلگن امریکا قوشمه ایالتلری ایلچی لیگی گه قره ته راکتی هجوم اویوشتیریلدی. 

عراق حکومتی تامانیدن بیریلگن یازمه بیاناتده, مذکور راکت لرنینگ بویوک بیر بولیمی نینگ منطقه ده گی مسکونی نقطه لر گه اصابت ایتگن لیگی معلوم قیلیندی. 

بیاناتده, اوشبو راکت لردن بیری نینگ بیر کنترول نقطه سی گه اصابت ایتیشی نتیجه سیده بیر نفر امریکالیک حربی نینگ یره لنگن لیگی بیلدیریلدی. 

ایلچی لیک تامانیدن بیریلگن بیاناتده, آتیلگن راکت لرنینگ سفارت نینگ هوا مدافعه سیستمی تامانیدن تاثیرسیز وضعیت گه کیتیریلگن لیگی معلوم قیلیندی. 

عراق باش وزیرلیگی تامانیدن بیریلگن بیاناتده, اوشبو راکتی هجوم نینگ اوزی گه خاص پیام گه ایگه ایکن لیگی معلوم قیلینرایکن, ساحه نینگ خوفسیزلیگی نی تامین ایتیش گه حرکت قیلیاتگن لیک لری بیلدیریلدی. 

عراق ده گی صدر حرکتی نینگ باشلیغی مقتدی الصدر, اوشبو خصوصده بیرگن بیاناتیده, "عادی اهالی نینگ حیاتی نی خطر گه دوچ قیلیش ملیشه لرنینگ ایشی دیر, بونی آلدین هم بیلدیرگن ایدیک.  دولت کنترولی تشقری سیده هیچ کیمسه نینگ مسلح بولیش حقی یوق" دییه قید ایتدی. 

عراق لیک شیعه لرنینگ سیاسی و دینی رهبری الصدر, امریکا قوشمه ایالتلری سفارتی نینگ هم بونده هجوم لرگه قرشی جواب قیترمس لیگی و بو ایش نی حکومت گه قویشی کیره ک ایکن لیگی نی بیلدیردی.