عراق باش وزیری بیر جلسه گه قتنشیش اوچون اردون گه سفر قیلیب کیتدی

عراق باش وزیری مصطفی الکاظمی عراق، اردون و مصر اورته سیده بولیب اوته دیگن جلسه گه قتنشیش اوچون اردون نینگ پایتختی امان گه باردی.

الکاظمی نینگ مطبوعات دفتریدن بیریلگن بیاناتده ایتیلیشیچه، باش وزیر یوکسک سویه ده گی بیر هیئت بیلن عراق، اردون و مصر اورته سیده بولیب اوته دیگن جلسه گه قتنشیش اوچون اردون نینگ پایتختی امان گه جونب کیتدی.

امانده الکاظمی نینگ اردون قرالی 2- عبدالله و مصر جمهور باشلیغی عبدالفتاح السیسی بیلن اوچره شیشیدن خبر بیردی.

"اوچ تامانلیک جلسه اوچ اولکه اورته سیده گی اقتصادی همکارلیک، تجاری و سرمایه کیریتیش موضوعلری بیلن بیر قطارده منطقوی ینگیلیکلرنی اوز ایچیگه آله دی" دییلدی.

عراق باش وزیری مصطفی الکاظمی وظیفه گه باشله گندن کیین دستلبکی چیت ایل سفرینی امریکا قوشمه ایالتلریگه عملگه آشیرگندی.