اروپا بیرلیگی فوق العاده نماینده سی: سوریه ده قول اوریلگن جرملرنینگ جزاسیز قالمس لیگی کیره ک دیدی

اروپا بیرلیگی تشقی ایشلر و خوفسیزلیک پولیتیکالری بوییچه فوق العاده نماینده سی جوزپ بوریل، سوریه ده قول اوریلگن گروهی جرملرنینگ جزاسیز قالمس لیگی کیره ک لیگینی ایتدی.

بوریل، اروپا بیرلیگی و بیرلشگن ملتلر تشکیلاتی تامانیدن مشترک "سوریه و منطقه نینگ کیلجگینی قوللب-قوتلش کنفرانسی" باشلیغی بیلن اویوشتیریله دیگن 4- بروکسل کنفرانسی وزیرلر سویه سیده گی جلسه دن آلدین بیر ویدیو پایلشدی.

سوریه اوروشیده 10 – ییل گه ییتیب باریلگن لیگی گه دقت قره تگن بوریل اوروش نینگ کتته درد و الملرگه سبب بولگن لیگینی و سوریه خلقی نینگ حلی هم قورقوو بیلن حیات کیچیریب تورگن لیگینی اورغوله دی.

بوریل" اروپا سوریه خلقی گه آرقه سینی اوگیرالمه یدی و اوگیرمه یدی. سوریه ده قول اوریلگن گروهی جرملرنینگ جزاسیز قالمس لیگی کیره ک" دیب پیام بیردی.

سوریه نینگ اروپا بیرلیگی نینگ قوشنیسی ایکن لیگینی و برقرارلیک نینگ اهمیت گه ایگه ایکن لیگینی قید ایتگن بوریل، تشکیلات نینگ هم سوریه همده قاچقینلرگه میزبانلیک قیلگن قوشنی اولکه لرنی قوللب – قوتلش گه دوام ایته جگینی ایتدی.

بوریل؛

"تورکیه، اردون و لبنان کبی اولکه لر انچه قاچقین گه ایشیکلرینی آچیب فوق العاده همکارلیک عملگه آشیردی" دیدی. اروپا بیرلیگی و اعضا اولکه لرنینگ سوریه گه اینگ کوپ یاردم ایتیب بیرگن اولکه لردن ایکن لیگینی معلوم قیلگن بوریل،

"لیکن بو ییترلی ایمس. سوریه خلقی نینگ دردلرینی تینیشی اوچون کوپراق یاردم ایتیشیمیز شرط. سیاسی ییچیم گه دقت قیلیشیمیز کیره ک" دیب ایتدی.