امریکا سوریه ده گی حربی مرکز لری گه قوشیمچه زرهی واسطه لر یوباردی

امریکا قوشمه ایالت لری اردوسی, سوریه نینگ شمالشرقیده گی پطرول ساحه لریده جایلشگن حربی مرکز لری گه, قوشیمچه نظامی لوژستیک مواد و زرهی واسطه یوباردی. 

توناون کیچه عراق- سوریه چیگره سیده گی الولید چیگره سیدن اوتگن 120 موترلیک قطار, امریکا قوشمه ایالت لری نینگ سوریه ده گی حربی مرکز لری گه کیتدی. 

امریکا قوشمه ایالتلری, تورکیه جمهوریتی نینگ تینچ لیک چشمه سی عملیاتی آرتیدن سوریه ده ترور تشکیلاتی وای پی جی/پی کا کا نینگ اشغالی آستیده گی پطرول ساحه لری گه اهمیت بیره باشلرایکن, یوزلب واسطه دن تشکیل تاپگن قطار یوبارگن ایدی. 

 سوریه نینگ حسکه, الرقه و دیرالزور ولایت لریده وای پی جی/پی کا کا نینگ اشغالی آستیده گی منطقه لرده امریکا قوشمه ایالتلری نینگ توپلم 11 حربی مرکزی موجود. 

امریکالیک قوماندان لر, 2019- ییل 15 اکتوبرده دیرالزورده قبیله باشلیق لری بیلن اوچره شیب منطقه دن چیقمیدیگن لیک لری نی بیلدیرگن ایدی. 

امریکا قوشمه ایالت لری دولت رهبری دونالد ترامپ هم 23 اکتوبرده بیرگن بیاناتیده, سوریه نینگ شرقیده گی پطرول ساحه لری نینگ امنیتی تامین ایتگن لیک لری و خوددی شوو ییر نینگ اوزیده امریکا حربی لری نینگ بیر قسمی نینگ قاله دیگن لیگی نی معلوم قیلگن ایدی.