سعودی عربستان قرالی سلمان CIA باشلیغینی قبول قیلیب اوچره شدی

سعودی عربستان قرالی سلمان بن عبدالعزیز، امریکا قوشمه ایالتلری استخبارات تشکیلاتی CIA باشلیغی Gina Haspel نی قبول قیلیب اوچره شدی.

سعودی عربستان رسمی خبر آژانسی بولمیش SPA خبر بیریشیچه، قرال سلمان بیلن CIA باشلیغی Gina Haspel نینگ ملاقاتیده ایککی اولکه اورته سیده گی مشترک اوز ارا اهمیتی بولمیش موضوعلر قولگه آلینگن.

بو اوچره شووده سعودی عربستان تشقی ایشلر وزیری فیصل بن فرحان بن عبدالله آل سعود، ایچکی ایشلر وزیری شهزاده عبدالعزیز بن سعود بن نایف، ملی استخبارات باشلیغی خالد الحمیدان و امریکا قوشمه ایالتلری نینگ ریاض بویوک ایلچیسی جان ابی زائید هم اورین آلدی.

خبرده اوچره شوو بیلن تیگیشلی تفصیلات بیریلمه دی.

امریکا قوشمه ایالتلریده تویترنینگ ایککی ایسکی ملازمی نینگ "سعودی عربستان اداره سیگه پول آلیب استخباراتی معلومات بیرگن لیکلری" بیلن عیبلب دعوا آچیلیشی نینگ آرتیدن بو اوچره شوونینگ عملی بولیشی دقت ترتماقده.