روسیه، اسرائیل باش وزیری نینگ سوزلریگه اعتراض بیلدیردی

روسیه، اسرائیل باش وزیری بنیامین نتنیاهونینگ اشغال آستیده گی غربی نوارده جایلشگن اردون وادیسینی اسرائیل گه قوشیب آلیش وعده سیگه ناراضی چیلیک بیلدیردی.

روسیه تشقی ایشلر وزیرلیگیدن بیریلگن یازمه بیاناتده، نتنیاهونینگ اردون وادیسی بیلن تیگیشلی سوزلری گه عرب عالمی تامانیدن سلبی قره لگن لیگینی معلوم قیلیب،

"اسرائیل منطقه ده گی بحران نینگ کوپه یشی، عرب قوشنی لری بیلن اورته سیده تینچ لیک نینگ تامین ایتیلیشی اوچون امیدلرنی یوق بولیشی توغریسیده گی ریجه لری خواطرگه سبب بولماقده دیر" دیب ایتیلگن.

فلسطین – اسرائیل معماسی گه بیرلشگن ملتلر تشکیلاتی خوفسیزلیک کینگشی قرارلری، مادرید پرنسیب لری و عرب تینچ لیک ریجه لری چوکاتیده ییچیم تاپیلیشی گه اشاره قیلیندی.

نتنیاهو 17- سپتامبرده بولیب اوته دیگن سیلاو بیلن تیگیشلی اویوشتیرگن مطبوعاتی کنفرانسیده تکرار سیلنگن حالده "قیسقه مدت جریانیده" غربی نوارده جایلشگن اردون وادیسینی امریکا قوشمه ایالتلری اداره سی بیلن کیلیشگن حالده "اسرائیل گه شویب آله جگینی" تیلگه آگندی.