یهودی لر اسرائیل ده مظاهره قیلماقده

اسرائیل ده اتیوپیا اصللی یهودی لر, سولومون تیکاه نینگ اولیمی گه سبب بولگن پولیس نینگ آزاد ایتیلگن لیگی گه قرشی ناراضی چیلیک نمایش لری اوتکزدی. 

نمایشچی لر, غربی بیت المقدس ده گی اسرائیل پارلمانی گه یقین بیر جایده توپله نیب اوشبو وضعیت گه قرشی ناراضی چیلیک بیلدیردی. 

تیکاه نینگ عکسی و اسرائیل ده پولیس تامانیدن آتیب اولدیریلگن باشقه اتیوپیا اصللی یهودی لرنینگ آت لری نینگ یازیلگن کویلک لر کییب آلگن مظاهره چی لر, پولیس خشونتی و عِرقچیلیککه قرشی عکس العمل کورستدی. 

پولیس کوچ لری بیلن مظاهره چی لر اورته سیده توقنه شوو هم یوز بیردی. 

پولیس, ایریم مظاهره چی لر نی نظارت آستی گه آلرایکن, تیگره ک ده گی بعضی اسرائیل لیک لر ایسه نمایشچی لرنی قوللب- قُوَتله دی. 

اسرائیل مطبوعاتی, 30 جون ده اسرائیل نینگ شمالیده سولومون تیکاه نی اولدیرگن پولیس نینگ آزاد ایتیلگن لیگی نی بیلدیرگن ایدی.  امنیتی قیین چیلیک سببلی خوددی شوو پولیس نینگ آتی نینگ ذکر ایتیلمه گن لیگی معلوم قیلینگن ایدی. 

قیلینگن تیکشیرو لر نتیجه سیده, خوددی شوو پولیس نینگ عایله سی بیلن بیرگه ایله نیب یورگن پیتده یاش لر نینگ اوروشگن لیک لری و مذکور پولیس نینگ اوشبو اوروش نی توخته تیش اوچون ییرگه اوق اوزگن لیگی و اوق نینگ ییرگه تیگیشی آرتیدن تیکاه گه اصابت ایتگن لیگی نینگ انیقلنگن لیگی بیلدیریلگن ایدی.