بیرلشگن ملتلر تشکیلاتی اسرائیل گه عکس العمل کورستدی

بیرلشگن ملتلر تشکیلاتی, فلسطین لیک مظاهره چی لرگه قرشی قانونبوزرلیک لرنینگ اوروش جرمی و بشریت گه قرشی جرم لر دایره سیده بهالنتیریلیشی نینگ ممکن ایکن لیگی توغریسیده گی راپوری نینگ اسرائیل تامانیدن هیچ قنده ی اهمیت بیریلمسدن رد قیلینگن لیگی گه عکس العمل کورستدی. 

انسان حق لری کینگشی نینگ 40 – ییغیلیشیده معروضه قیلگن بیرلشگن ملتلر تشکیلاتی انسان حق لری عالی کمیسری میشل باچلت, اوشبو دایره ده اسرائیل نی تنقید قیلدی. 

"بحث موضوعی بولگن کوپلب مسئله لرنینگ هیچ قیسی گه قره لمسدن اوشبو راپور نینگ اسرائیل تامانیدن زودلیک بیلن رد ایتیلگن لیگی سببلی خیالیم پوچگه چیقدی" دییه قید ایتگن باچلت, خوددی شوو راپورده اسرائیل نینگ موازنه سیز کوچ دن فایده لنگن لیگی باعث کوپلب فلسطین لیک لر نینگ جان بیرگن لیگی و یره لنگن لیگی نینگ بیلدیریلگن لیگی نی ایسله تیب اوتدی. 

غربی نوارده یهودی ناقل لر تامانیدن قیلینیاتگن قانونبوزرلیک لرنینگ فلسطین لیک لر نینگ ایرکین لیگی, ایشی, اوقیشی و ساغلیغی گه ضرر بیریاتگن لیگی نی معلوم قیلگن باچلت, "فلسطین لیک لر گه قره تیلگن اقتصادی تحریم لر, اسرائیل لیک لرنینگ کوچی نی آرتیرمیدی" دییه قید ایتدی.