بشارالاسد، هلیکوپتر آرقه لی تهدید قیلووچی اعلامیه ترقتدی

سوریه ده حکومت نینگ هلیکوپترلری، ادلب ولایتی نینگ قشلاقلریده تهدید ایتووچی پیاملر ترقتگن لیگی بیلدیریلدی.

بشارالاسد حکومتی گه باغلیغ تیک اوچرلر، سیرمادا، رام حمدان و کمونه پناهنده لر کمپی نینگ اوستیگه اینه لیب تهدید قیلووچی تصویرلی اعلامیه لر ترقتگن.

حیاتینی یوقه تگن بیر کیشی (جنازه) نینگ تصویری نینگ اوستیده "قسمتینگنی تعیین قیلگیل" دیگن افاده گه اورین بیریلگن.

مذکور اعلامیه ده "قولیگه قورال آلیب دوام ایتیش، اولیشنی تنلش دیر. حیاتده قالماقچی بولسنگ قورالنی ییرگه قویگیل. حیاتینگنی اورته گه قوییب قیمار اوینه مه. ایریم بیر ییچیم یولینگ یوق. یا قورالنی ییرگه قویه سن ویا مطلق اوله سن. سونگی چانسدن فایده لنیش کیره ک. قورانی ییرگه قوییب وضعیتنی نورمالگه آلیب باریشینگ کیره ک" دیگن افاده لر اورین آلگن.

سوریه نینگ شمال تامانیده جایلشگن تورکیه نینگ حدودیده گی ادلب، 2017- ییلی 4-5 می تاریخلریده گی آستانه جلسه سیده "بحراننی کمه یتیریش منطقه سی" دیب اعلان قیلینگن ایدی.