ایران هم عراق نینگ شمالی گه قرشی چیگره ده حربی تطبیقات اوتکزه دی

عراق نینگ شمالیده گی رفراندوم نی تن آلمه گن ایران چیگره ده حربی تطبیقات باشله ته دی.

اوشبو مطلب نی ایران قوراللی کوچلری قوماندانی اورینباسری بیلدیردی. 

ایران دولت تلویزیونی عراق و ایران نینگ چیگره ده مشترک حربی تطبیقات اوتکزه دیگن لیگی نی معلوم قیلدی.

ایران نینگ ایسنا خبر آژانسی, ایران قوراللی کوچ لری قوماندانی اورینباسری مسعود جزایری نینگ ایران و عراق نینگ بیر نیچه کون کیین چیگره ده حربی تطبیق اوتکزه دیگن لیگی نی معلوم قیلگن لیگی نی بیلدیردی. 

جزایری, اوشبو تطبیقات نینگ عراق نینگ شمالیده گی محللی رهبریت نینگ سپتامبر آیی نینگ 25 کونیده اوتکزگن سوزده (به اصطلاح) رفراندومی گه قرشی آلینگن تدبیر لر دایره سیده اوتکزیله دیگن لیگی نی ایسله تیب اوتدی. 

چیگره ده عراق اردوسی نینگ ترکیه قوراللی کوچ لری بیلن بولگن مشترک تطبیقاتی ایسه دوام ایتماقده. 

اربیل رهبریتی, بغداد نینگ چیگره لرنینگ کنترولی نینگ تسلیم ایتیلیشی گه تیگیشلی طلبی نی رد ایتگن ایدی.