داعش نینگ یوکسک مرتبه لی اداره چیسی اولدیریلدی

داعش نینگ یوکسک مرتبه لی اداره چیسی اولدیریلدی

تروریست گروهی داعش نینگ یوکسک مرتبه لی اداره چیلریدن عمر شیشانی، عراق نینگ موصل شهری اطرافیده گی اوروش جریانیده اولدیریلگن لیگی بیلدیریلدی. اوشبو خبر تروریست گروهی گه یقین مطبوعات ارگانلریدن عماق خبر آزانسی تامان نشر ایتیلدی.

مذکور خبر آزانسی، شیشانی نینگ موصل ده عراق اردوسی بیلن یوز بیرگن توقنه شوو جریانیده اولگن لیگینی بیان ایتماقده. بیراق تاریخ و مفصل معلومات بیرمه گن.

امریکا قوشمه ایالتلری مدافعه وزیرلیگی شیشانی نینگ سوریه ده 4 نچی مارچ کونی آلیب باریلگن هوائی عملیات چوکاتیده آماج قرار بیریلگن لیگینی بیلدیرگن ایدی.

شیشانی اوزی گرجستان لیک ایکن، تروریست گروهی نینگ مدافعه وزیری اوله راق اتلگن.

امریکا قوشمه ایالتلری خزینه وزیرلیگی، 2014 نچی ییل شیشانی نی خلق ارا تروریست روخطی گه آلگن ایدی. عین دمده شیشانی حقیده استخباراتی معلومات بیرگن کیشی لرگه 5 ملیون دالر مکافات بیررلیگینی اعلان قیلگن ایدی.

باشقه بیر تاماندن عراق نینگ موصل شهری قاله ویرسه پایتخت بغدادده عملگه آشریلگن تروریستیک هجوملر نتیجه سیده 4 کیشی عسکر بیر ژونالیست داخل 10 نفر اولگن لیگی معلوم قیلیندی.