اولگن لیگی ادعا ایتیلگن داعش نینگ رهبری یشه ماقده

اولگن لیگی ادعا ایتیلگن داعش نینگ رهبری یشه ماقده

امریکا قوشمه ایالتلری نینگ سوریه ده عملگه آشیرگن هوائی هجوم عاقبتیده داعش نینگ رهبرلریدن عمر الشیشانی نینگ اولگن لیگی ادعا ایتیلگن ایدی. بیراق اوشبو کیشی نینگ اولمه گن لیگی بیلدیریلدی. سوریه انسان حقلری تیگشیروو تشکیلاتیدن عملگه آشیریلگن بیاناتده چچن عمر لقب لی عمر الشیشانی نینگ محافظ لری نینگ اولگن لیگی اوزی نینگ جدی جراحت آلگن لیگی بیلدیریلدی. لندن ده جایلشگن تشکیلات نینگ باشلیغی رامی عبدالرحمن ای ایف پی AFP خبر آژانسی گه بیرگن اوز بیاناتیده الشیشانی نینگ 4 نچی مارچ کونی عملگه آشیریلگن هجوم نینگ آرتیدن کسلخانه گه انتقال بیریلگن لیگینی بیلدیردی.

واشنگتن حکومتی گه یقین بعضی بیر کیشی لر مذکور تاریخده گی عملیات نتیجه سیده سوریه ده استقامت ایته یاتگن اوییگه هجوم اویوشتیریلگن لیگی 12 کیشی داعش اعضاسی بیلن چچن عمرنینگ اولدیریلگن لیگی بیلدیریلگن ایدی. عین دمده پنتاگون داعش گه قره ته عملیات چوکاتیده گرجستان وطنداشی الشیشانی نینگ آماج قرار بیریلگن لیگینی تأیید ایتگن ایدی.

قیزیل سقالی بیلن تنیلگن عمر الشیشانی داعش نینگ مهم عسکری رهبرلریدن بیرته سی دیر. امریکا قوشمه ایالتلری اداره چیلری اوشبو کیشی نینگ خارجی لر قوییلگن بیر قماقخانه نینگ مسئولی ایکن لیگیدن شبهه لنماقده دیر. الشیشانی نینگ اصل آتی ترخان باتراشفیلی ایکن امریکا قوشمه ایالتلری بو کیشی حقیده استخبارات معلومات بیرگن انسانلرگه 5 ملیون دالر جایزه بیره دی.