تورکیه – امریکا قوشمه ایالتلری هیئاتلری اورته سیده اوچره شوو بولیب اوتدی

تورکیه بیلن امریکا قوشمه ایالتلری هیئاتلری اورته سیده ترورچیلیک که قرشی کوره ش بوییچه مصلحتلشوو اوچره شووی بولیب اوتدی.

دیپلوماتیک منبعلردن قولگه کیریتیلگن معلوماتگه کوره، مارچ آییده امریکا قوشمه ایالتلری نینگ پایتختی واشنگتن ده بولیب اوتگن تورکیه – امریکا قوشمه ایالتلری ستراتیژیک میکانیزمی بوییچه بولیب اوتگن کیلیشووگه بناً ایککی اولکه اورته سیده گی ترورچیلیک که قرشی کوره ش مصلحتلشوو جلسه سی، تشقی ایشلر وزیرلیکلری باشچیلیگیده 22 اپریل تاریخیده تورکیه نینگ پایتختی انقره ده اوتکزیلدی.

امریکا قوشمه ایالتلری تشقی ایشلر وزیرلیگی ترورچیلیک که قرشی کوره ش باشقرمه سی باشلیغی بویوک ایلچی ایلیزابیت ریچاردنینگ تورکیه سفری و صمیمی روشده بولیب اوتگن فکر المه شووی طفیلی ممنونیت بیلدیریلدی.

تورکیه جمهوریتی تشقی ایشلر وزیرلیگیده ایککی اولکه نینگ تیگیشلی باشقرمه لری نینگ قتنشیشی بیلن بولیب اوتگن جلسه ده PKK/YPG/PYD, DHKP/C، داعش و فتح الله چی ترور تشکیلاتی قاله ویرسه ملی خوفسیزلیک بیلن علاقه لی کوپلب موضوع نینگ تیلگه آلینگن لیگی معلوم قیلیندی.

تورکیه نینگ ترورچیلیک که قرشی کوره شده چقور تجربه گه ایگه و بو کوره ش نی قرارلی بیر شکلده آلیب بارگن بیر اولکه اوله راق متفقلری و ترورچیلیک که قرشی کوره شده قرارلی برچه اولکه لر بیلن تورلی ترورچیلیک که و یوزه چیقیشی گه قرشی کوره ش آلیب باریش مقصدیده صمیمی همکارلیک که دوام ایته جگی تاکییدلندی.