تورکیه ده 23 اپریل ملی حاکمیت و باله لر بیره می طنطنه لی نشانلندی
23 اپریل ملی حاکمیت و باله لر بیره می تورکیه نینگ تورت بورچگیده طنطنه لی نشانلندی
تورکیه نینگ تورت بورچگیده 23 اپریل ملی حاکمیت و باله لر بیره می طنطنه لی نشانلنماقده.
23 اپریل ملی حاکمیت و باله بیره می بیلن تورکیه بویوک ملت مجلسی نینگ آچیلیشی نینگ 104- ییل لیگی مناسبتی بیلن پایتخت انقره ده گی مجلسده جایلشگن اتاتورک آبده سی نینگ قاشیده مراسم اویوشتیریلدی.
مراسمده تورکیه بویوک ملت مجلسی باشلیغی نعمان قورتولموش اتاتورک آبده سیگه قیزیل و آق گل قویدی.
شونده ی بولیب تورکیه بویوک ملت مجلسی باشلیغی نعمان قورتولموش باشچیلیگیده گی دولت ییتکچیلری هم تورکیه جمهوریتی نینگ قورووچیسی اولوغ رهبر مصطفی کمال آتاتورک نینگ جنازه سی بولگن آبده قبرده اویوشتیریلگن مراسم گه قتنشدی.
آبده قبر خاص کتابچه سیگه قول قویگن نعمان قورتولموش "جمهوریتیمیزنینگ نینگ ایککینچی عصری نینگ تورکیه عصری بولیشی اوچون بار کوچیمیز بیلن اورونماقده میز." دیدی.
تورکیه جمهوریتی معارف وزیری یوسک تکین هم اوقیتووچی و اوقیووچیلر بیلن آبده قبرنی زیارت قیلدی.
تکین، آبده قبر خاص کتابچه سیگه "عزیز اتاتورک بیز سیزدن آلگن الهام و عزیز ملتیمیزدن آلگن کوچ بیلن بو جنت وطن نی ایلگریگه الیب باریش گه قرارلی میز." دیب یازدی.
شونده ی بولیب بیرلشگن ملتلر تشکیلاتی تعلیم، بیلیم و مدنیت تشکیلاتی (یونسکو) نینگ دنیا مدنیت و طبیعی میراث رویخطیده بولگن نوشهر ولایتی توریستیک مرکزی کپه دوکیاده ایسّیق هوا شر (بالون) لری ملی حاکمیت و باله لر بیره می اوچون تورک بیراقلری آسیب اوچیریلدی.
علاقه لی ینگی لیکلر
تورکیه جمهور باشلیغی ایردوغان کویت امیری الصباح گه دولت میدالی تقدیم ایتیب بیردی
تورکیه جمهور رئیسلیک مجتمعیده دولت میدالی تقدیم ایتیش مراسمی اویوشتیریلدی