تورکیه ملی خوفسیزلیک کینگشی جلسه سی بولیب اوتدی

تورکیه ملی خوفسیزلیک کینگشی (MGK) ترور تشکیلاتلرینی جسارتلنتیرگن برچه تامانلرنینگ ترورچیلر بیلن علاقه لرینی کیچ قالمه ی دایمی روشده کیسیب تشلشی نینگ اهمیتی گه دقت تارتدی.

تورکیه جمهوریتی جمهور باشلیغی رجب طیب ایردوغان نینگ باشچیلیگیده جمهور رئیسلیک مجتمعیده بولیب اوتگن تورکیه ملی خوفسیزلیک کینگشی جلسه سی نینگ آرتیدن بیلدیروو ترقه تیلدی.

بیلدیرووده منطقه نینگ کیله جگیده ترور تشکیلاتلریگه و قوللب – قوتلاوچیلریگه هیچ بیر شکلده اورین بیریلمسلیگی تاکییدلندی. "ترور تشکیلاتلری PKK/KCK-PYD/YPG نینگ اروپاده یشه یاتگن وطنداشلریمیزنی و وکالتخانه لریمیزنی آماج قرار بیرگن هجوملری نینگ یقیندن تعقیب ایتیلگن لیگی بیلدیریلگن دیر. ترور تشکیلاتلرینی جسارتلنتیرگن برچه تامانلرنینگ ترورچیلر بیلن علاقه لرینی کیچ قالمه ی دایمی روشده کیسیب تشلشی نینگ اهمیتی گه دقت تارتیلگن دیر." دییلدی.

بیلدیرووده خلق ارا همجمعیت گه اسرائیل نینگ غزه خلقی گه و یاردم تشکیلاتلریگه قره ته 7 اکتوبردن بیری دوام ایتیب تورگن هجوملری نینگ یکونلنیشی و دایمی تینچلیک اورنه تیلیشی اورونیشلرینی قوللب – قوتلش بوییچه چقیریق قیلینگن لیگی قید ایتیلدی.