تورکیه دینگیز ساحه سیده قاچقینلر کیمه سی باتیب کیتدی

تورکیه نینگ چاناق قلعه ولایتی ایجه آباد تومنی دینگیز ساحه سیده ایچیده قاچقینلر بولمیش قَییق نینگ سووگه باتیب کیتیشی عاقبتیده 16 کیشی حیاتینی یوقاتدی.

ایچیده قاچقینلر بولگن قَییق ایجه آباد تومنی نینگ 8 میل اوزاغیده دینگیزده باتیب کیتدی.

خوددی شو ساحه گه قیرغاق خوفسیزلیک قوتقروو قَییقلری بیلن تیز یاردم امبولانلری نینگ یونلتیریلگن لیگی بیلدیریلدی.

دستلبکی معلوماتلرگه کوره حادثه عاقبتیده 16 کیشی قاچقین حیاتینی یوقاتگن.

2 نفر اوز اورونیشی بیلن قوتیلگن، 2 کیشی ایسه قیرغاق قوریقلاوچیلری تامانیدن قوتقریب آلینگن.

چاناق قلعه ولایتی حاکمی الهامی آقتاش "وفات ایتگنلردن 4 ته سی باله و چقلاق." دیب ایتدی.

حاکم، قَییق نینگ ایچیده گیلرنینگ انیق سانی نینگ بیللی ایمس ایکن لیگینی بیراق انیقلش اوچون اورونیشلرنینگ دوام ایتیب تورگن لیگینی ایتدی.