تورکیه جمهور باشلیغی ایردوغان اساسی قانون بوییچه مهم بیانات بیردی

تورکیه جمهوریتی جمهور باشلیغی رجب طیب ایردوغان قانونچیلیک، اجرا و سود ارگانلری آرقه لی اولکه نینگ خوفسیزلیگینی، برقرارلیگینی و تینچلیگینی کوچه یتیریش اوچون اورونیش آلیب باره جکلرینی ایتدی.

ایردوغان پایتخت انقره ده قاضی و قاره لاوچیلر قرعه مراسمیده سوزگه چیقدی.

اساسی قانونگه کوره هر بیری نینگ وظیفه ساحه سی فرقلی بولگن یوکسک سود باشقرمه لری آره سیده اختلاف بارلیگینی معلوم قیلگن ایردوغان بو اختلاف نینگ یکونلنیشی کیره ک لیگینی ایتدی.

اولکه نینگ ینگی بیر اساسی قانون گه ضرورتی بارلیگینی کوپلب مرته ایتگن لیگینی معلوم قیلگن ایردوغان جنابلری اساسی قانونده اوزگریش کیلتیریلیشی کیره ک بولگن خصوصلر بوییچه مجلسده کیلیشوو زمینه سی بولیشی نینگ اهمیتی گه تماس قیلدی.

ایردوغان ینگی اساسی قانون ممکن بولسه ده قضاده گی مسئله لرنی برطرف ایتووچی بیر اساسی قاون اوزگریشی اوچون بیر کیلیشوو یوللرینی قیدیره جکلرینی تیلگه آلدی.

جمهور باشلیغی،

"جمهوریت تاریخی نینگ اینگ مهم ریفورملرینی عملی قیلیش گه موفق بولگن بیر باشقروو اوله راق بو معماگه ییچیم نی هم بیز تاپه میز." دیدی.

ایردوغان جنابلری،

"قانونچیلیک، اجرا و سود ارگانلری آرقه لی اولکه نینگ خوفسیزلیگینی، برقرارلیگینی و تینچلیگینی کوچه یتیریش اوچون اورونیش آلیب باره میز." دیب ایتدی.