تورکیه جمهور باشلیغی ایردوغان آذربایجانلیک کسبداشینی رسمی مراسم آرقه لی کوتیب آلدی

آذربایجان جمهور باشلیغی الهام علی یف اولکه سیده 7 فبروری تاریخیده بولیب اوتگن جمهور رئیسلیک سیلاوی نینگ آرتیدن دستلبکی رسمی سفر دایره سیده تورکیه گه تشریف بیوردی.

علی یف همراهیده گی هیئات بیلن اولاً تورکیه جمهوریتی نینگ قورووچیسی مصطفی کمال آتاتورک نینگ آبده قبری جایلشگن (آنیت قبر) نی زیارت قیلدی.

مصطفی کمال آتاتورک نینگ آبده قبریگه گل قوییب خاص خاطره کتابی گه امضا قیلدی.

الهام علی یف شولرنی یازدی:

"تورک عالمی نینگ بویوک فرزندی، استعدادلی قومندان و کوچلی رهبر مصطفی کمال آتاتورک نینگ عزیز خاطره سینی یوراکدن حرمت بیلن یاد ایته من. بویوک رهبر مصطفی کمال آتاتورک، بوندن یوز ییل مقدم مدحش اثر تورکیه جمهوریتینی قوروب آتینی دنیا تاریخی گه و خلقی نینگ قلبی گه آلتین حرفلر بیلن ابدی یازیلگن دیر. مصطفی کمال آتاتورک قوروچیسی بولگن دولت نینگ بوگونگی رواجلنیش سویه سینی، برقرارلیگینی، قدرتینی و گلوبال مقیاسده گی نفوذینی کوریب قرداش آذربایجان نینگ جمهور باشلیغی اوله راق اینیقسه فخرلنه من.

خلقیمیزنینگ اینگ بویوک بایلیگی بولگن آذربایجان – تورکیه اورته سیده گی مستحکم قرداشلیک، بیرلیک و همجهتلیک نی سقلش و کیلجک نسللرگه ارمغان ایتیش، ستراتیژیک متفقلیگیمیزنی هر تامانلمه رواجلنتیریش و برقرارلشتیریش، ایککی اولکه نینگ عالی وظیفه سی دیر. آذربایجان نینگ سوینچینی اوز سوینچی، قیغوسینی اوز قیغوسی کبی کورگن بویوک شخصیت غازی مصطفی کمال آتاتورک نینگ عزیز خاطره سی، آذربایجان خلقی نینگ قلبیده هر دایم یشه یدی. روحی شاد بولسین!"

کیین تورکیه جمهور باشلیغی رجب طیب ایردوغان، جمهور رئیسلیک مجتمعیده علی یف نی رسمی مراسم آرقه لی کوتیب آلدی.

مراسم نینگ آرتیدن یوزمه یوز ملاقات گه اوتگن ایردوغان بیلن علی یف هیئاتلرارا اوچره شوونینگ آرتیدن مشترک مطبوعاتی کنفرانس اویوشتیره دی.