آذربایجان جمهور باشلیغی علی یف تورکیه گه تشریف بیوردی

آذربایجان جمهور باشلیغی الهام علی یف اولکه سیده 7 فبروری تاریخیده بولیب اوتگن جمهور رئیسلیک سیلاوی نینگ آرتیدن دستلبکی رسمی سفر دایره سیده تورکیه گه تشریف بیوردی.

تورکیه جمهوریتی جمهور رئیسلیک علاقه باشقرمه سی تامانیدن بیریلگن بیاناتده، "جمهور باشلیغیمیز حرمتلی رجب طیب ایردوغان نینگ دعوتی گه بناً آذربایجان جمهور رئیسی حرمتلی الهام علی یف 18-19 فبروری تاریخلریده اولکه میزگه رسمی سفر اویوشتیره دی. اوشبو سفر 7 فبروریده آذربایجان ده بولیب اوتگن جمهور رئیسلیک سیلاوی نینگ آرتیدن حرمتلی علی یف نینگ دستلبکی چیت ایل سفری بوله دی." دییلدی.

بیاناتده شولرگه اورین بیریلدی:

"19 فبروری دوشنبه کونی بولیب اوته دیگن اوچره شوولرده تورکیه آذربایجان اورته سیده گی اوزارا مناسبتلر هر تامانلمه کوریب چیقیله دی، همکارلیک نینگ ینه ده کوچه یتیریلیشی اوچون آتیله دیگن آدیملر تیلگه آلینه دی. اوچره شوولرده اوزارا مناسبت قاله ویرسه کون ترتیبیده گی منطقوی و گلوبال ینگیلیکلر حقیده فکر المه شووی عملگه آشیریله دی."