جمهور باشلیغی ایردوغان استانبول ده گی ترورچیلیک هجومی تشبثی نی قاره له دی

تورکیه جمهوریتی جمهور باشلیغی رجب طیب ایردوغان قهرمانمره ش ولایتیده ییر سیلکینیشیدن تاثیرلنگنلر اوچون قوریلگن اویلرنینگ قرعه و کلید تسلیم بیریش مراسمیده قیلگن صحبتیده ترورچیلیک هجومی گه هم تماس قیلدی.

ایردوغان جنابلری، استانبول ده چاغلایان قاره لاوچیلیگی نینگ قاشیده گی کنترول نقطه سیگه قره ته ترورچیلیک هجومی اویوشتیریش تشبثیده یره لنگنلردن بیر ته سی نینگ حیاتینی یوقاتگن لیگینی ایتدی.

جمهور باشلیغی ایردوغان،

"تورکيه هیچ قنده‌ی کمسیتیشسیز، برچه‌ ترور تشکیلاتلری و اولرنینگ طرفدارلریگه قرشی کوره ‌شنی قاطعیت بیلن دوام ایتتیره‌ دی." دیدی.

استانبول ده چاغلایان قاره لاوچیلیگی نینگ قاشیده گی کنترول نقطه سیگه قره ته ترورچیلیک هجومی اویوشتیریش تشبثیده بولگن 2 ته تروریست اولدیریلگندی.

تورکیه جمهوریتی ایچکی ایشلر وزیری علی ییرلی قایا اجتماعی ترماق آرقه لی بیرگن بیاناتده، تورکیه وقتی بیلن ساعت 11:46 ده استانبول ده چاغلایان قاره لاوچیلیگی نینگ قاشیده گی کنترول نقطه سیگه قره ته ترورچیلیک هجومی اویوشتیریش تشبثی گه قول اوریلگن لیگی بیلدیرگندی.

ایچکی ایشلر وزیری علی ییرلی قایا ترور تشکیلاتی DHKP/C اعضاسی بیرته خاتین 2 ته تروریست نینگ اولدیریلگن لیگینی معلوم قیلگندی.

ییرلی قایا "(هجوم عاقبتیده) 3 ته سی پولیس منسوبی توپلم 5 کیشی یره لنگن دیر. قهرمان پولیسلریمیزنی قوتله یمن. یره لیلریمیزگه عاجل شفالر تیله یمن." دیب ایتگندی.

حادثه گه تیگیشلی جمهوریت باش قاره لاوچیلیگی تامانیدن تیرگاو باشله تیلدی.