ترور تشکیلاتی پ.ک.ک اعضاسی یوزلب ترورچی یوق قیلیندی

تورکیه جمهوریتی ایچکی ایشلر وزیری علی ییرلی قایه, بولووچی ترور تشکیلاتی پ.ک.ک گه قرشی اوتگن ییلده اویوشتیریلگن عملیاتلرده 923 نفر ترورچی نینگ یوق قیلینگن لیگینی معلوم قیلدی.

ییرلی قایه, اجتماعی ترماق آرقه لی بیرگن بیاناتیده, میلادی 2023- ییلده ترور تشکیلات لری گه قره ته عملیات اویوشتیریلگن لیگینی معلوم قیلرایکن, اوشبو عملیات لرنینگ حاضر هم دوام ایتیاتگن لیگینی بیلدیردی.

ییرلی قایه, سونگّی ترورچی هم یوق قیلینگونگه قدر تروریزم گه قرشی کوره ش نینگ قرارلی لیک بیلن دوام ایته دیگن لیگی گه دقت قره تدی. 

ایچکی ایشلر وزیری نینگ بیاناتی گه کوره, میلادی 2023- ییلده بولووچی ترور تشکیلاتی گه قره ته شهرلرده 3 مینگ 911 و چیککه حدود لرده ایسه 19 مینگ 682 عملیات اویوشتیریلرایکن, اوشبو عملیاتلرده 923 نفر ترورچی یوق قیلیندی. 

فتح الله چی ترور تشکیلاتی گه قره ته اویوشتیریلگن 6 مینگ 775 عملیاتده 9 مینگ 639 نفر مظنون نظارت آستی گه آلیندی و بولردن 1689 نفری قمه لدی. 

ترور تشکیلاتی داعش گه قرشی اویوشتیریلگن 1500 عملیاتده 2800 نفر مظنون نظارت آستیگه آلیندی و بولردن 738 نفری قمه لدی. 

یوق قیلینگن ترورچی لرنینگ 64 نفری سوزده یوقاری مرتبه لی مسئول لردن عبارت ایدی.