تورکیه تشقی ایشلر وزیری غزه ده ضامنلیک میکانیزمی قوریلیشی بوییچه چقیریق قیلدی
تورکیه جمهوریتی تشقی ایشلر وزیری خاقان فیدان بیرلشگن ملتلر تشکیلاتی خوفسیزلیک کینگشی نینگ فلسطین موضوعلی جلسه سیده سوزگه چیقدی
تورکیه جمهوریتی تشقی ایشلر وزیری خاقان فیدان تورکیه نینگ غزه ده ضامنلیک میکانیزمی قوریلیشی بوییچه چقیریغینی تکرارله دی.
بیرلشگن ملتلر تشکیلاتی خوفسیزلیک کینگشی نینگ فلسطین موضوعلی جلسه سیده سوزگه چیققن خاقان فیدان، غزه ده گی انسانی بحران نینگ جدی درجه گه ییتگن لیگینی تاکییدلب عاجل آتشکیسین و منطقه گه انسانپرورلیک یاردملری نینگ ییتکیزیب بیریلیشی نینگ کیره ک لیگی گه دقت تارتدی.
غزه و تشقریسیده دوام ایتیب تورگن اوروش، نه تینچلیک نه ده تسلیمیت گه سبب بوله دی. بو اوروش نی توخته تیش اوچون تاریخی بیر مسؤلیتیمیز باردیر." دیب ایتدی فیدان جنابلری.
تورکیه تشقی ایشلر وزیری، خلق ارا همجمعیت نینگ غزه ده و غربی نوارده آقیب یاتگن قان نی توخته تیش گه چاره سیز بولیب قالگن لیگینی ایتدی.
فیدان، "تینچلیک نی اورنه تووچی و تیکشیرووچی بیر ضامنلیک میکانیزمی نینگ قورولیشی بوییچه چقیریغیمیزنی تکرارله ماقچی من" دیدی.
حماس نینگ قوراللی ترماغی القسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم گه قول اورگن لیگینی بیلدیرگندی.
اسرائیل اردوسی هم بونگه جواب اوله راق حربی اوچاقلر آرقه لی غزه نواریگه تیمیر قیلیچلر عملیاتی باشلتگن لیگینی معلوم قیلگندی.
یوزبرگن بحرانده کوپراغی باله و خاتین – قزدن عبارت 25 مینگدن آرتیق فلسطینلیک جان بیردی.
