بیر نفر تورک حربیسی شهید بولدی

عراق نینگ شمالیده گی پنجه- قفل عملیاتی منطقه سیده, ترورچی لرنینگ اوق اوزیشی و منطقه گه کیریش بوییچه تشبثی نتیجه سیده تورک حربی صمد اسلان شهید بولدی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, "پنجه- قفل عملیاتی منطقه سیده, میلادی 2024- ییل 11- جنوری کونی, بولووچی ترور تشکیلاتی اعضاسی ترورچی لرنینگ اوق اوزیب منطقه گه کیریش تشبثی نتیجه سیده تورک حربی صمد اسلان شهید بولرایکن, بیر نفر حربی میز ایسه یره لندی.  یره لنگن حربی میز زودلیک بیلن کسلخانه گه انتقال ایتدیریلیب تداوی آستی گه آلیندی" دییه قید ایتیلدی. 

عینی دمده بیاناتده منطقه ده عملیات لرنینگ دوام ایتیاتگن لیگی بیلدیریلدی. 

بوندن تشقری بیاناتده, "بیز لرنی جوده خفه قیلیب قویگن اوشبو حادثه ده حیاتینی یوقاتگن عزیز شهیدی میز گه الله تعالی دن رحمت, عایله سی, تورکیه قوراللی کوچلری و اصیل ملتی میز گه قیغوداشلیک بیلدیریب صبر تیلب قالرایکن, یره لنگن حربی میز گه هم عاجل شفا تیله یمیز" دییه قید ایتیلدی.