اردوغان: صبیحه گوکچن هوا قونلغه سی ییلده سکسان بیش میلیون دن آرتیق یولاوچینی کوتیب آله دی

تورکیه جمهوریتی جمهوررئیسی رجب طیب اردوغان استانبولده گی صبیحه گوکچن خلق ارا هوا قونلغه سیده ینگی بیر اوچیش- قونیش یولَگی نینگ آچیلیشی بیلن مذکور هوا قونلغه سی نینگ ییلده 85 میلیون دن آرتیق یولاوچی نی کوتیب آلیش ظرفیتی گه ایگه بوله دیگن لیگینی بیلدیردی. 

جمهوررئیس اردوغان, استانبولده صبیحه گوکچن هوا قونلغه سی نینگ 2- اوچیش- قونیش یولگی نینگ آچیلیشی مراسمیده معروضه قیلدی.

اردوغان, صبیحه گوکچن هوا قونلغه سی نینگ تورکیه ده استانبول و آنتالیا هوا قونلغه لری آرتیدن اوچینچی اوریننی ایگلله گن لیگینی بیلدیردی. 

"هوا قونلغه میز میلادی 2021- ییلده 181 مینگ ایچکی و تشقی اوچیش بیلن 25 میلیون یولاوچی نی کوتیب آلدی.  میلادی 2022- ییلده اوشبو رقم 31 میلیون نفر گه ییتدی" دییه قید ایتگن اردوغان, اوز سوزلرینی, "صبیحه گوکچن خلق ارا هوا قونلغه سی ینگی اوچیش- قونیش یولگی دن فایده له نیله باشله نیشی بیلن ییلده 85 میلیون دن آرتیق یولاوچی نی کوتیب آله دیگن ظرفیت گه ایگه بوله دی" شکلیده دوام ایتدیردی.