تورکیه تشقی ایشلر وزیری بلجیم گه تشریف بیوره دی

تورکیه جمهوریتی تشقی ایشلر وزیری خاقان فیدان 28-29 نوامبر تاریخلریده اوتکزیله دیگن ناتو تشقی ایشلر وزیرلری جلسه سیگه قتنشیش اوچون بلجیم نینگ پایتختی بروکسل گه تشریف بیوره دی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده جلسه دایره سیده "اوکراین ده اوروش نینگ و غزه ده انسانلیک بحرانی دوام ایتیب تورگن بیر پیتده" اروپا – اتلانتیک منطقه سیده گی وضعیت نینگ بهالندیریلیشی قاله ویرسه بالقانلرده گی ینگیلیکلرنینگ تیلگه آلینیشی و تشقی ایشلر وزیرلری سویه سیده گی دستلبکی ناتو – اوکراین کینگشی جلسه سی نینگ اوتکزیلیشی نینگ ریجه لنگن لیگی قید ایتیلدی.

بیاناتده فیدان نینگ خوددی شو جلسه دایره سیده بعضی بیر کسبداشلری بیلن اوزارا اوچره شوولر اوتکزیشیدن خبر بیریلدی.